Arbeidsløysa held fram med å stiga i tre av dei fire kommunane i region vest i mars.
Den prosentvis høgaste arbeidsløysa finn vi no i Sund. 162 heilt ledige tilsvarar ei arbeidsløyse på 4,6 prosent, framkjem det av den månadsvise statistikken frå NAV som vart offentleg i dag.
Samanlikna med same tid i fjor, er det no 68 fleire heilt ledige i kommunen sønst på Sotra.
Askøy
Lågaste arbeidsløysa finn vi i Askøy. 481 personar utan arbeid tilsvarar 3,3 prosent av arbeidsstokken.
Sidan mars i fjor har talet på ledige i den grøne kommunen auka med 145 personar.
Øygarden
I Øygarden har utviklinga gått rett veg siste månadane. Etter å ha hatt heile 5,6 prosent av arbeidstakarane utan jobb i januar, utgjer arbeidsløysa no 4,5 prosent.
Samanlikna med fjoråret, har talet på heilt ledige i Øygarden auka med 45 personar.
Fjell
Flest ledige finn vi i Fjell. 566 personar utan arbeid tilsvarar ei arbeidsløyse på 4,3 prosent. Heile 192 fleire fjellsokningar står no utan arbeid i enn i mars 2015.
