Vil ha felles bygdaliste for Fjell, Sund og Øygarden

Kjell Rune Garlid, kommunestyrerepresentant for Sotra Lista i Fjell, ser gjerne at det vert ei felles bygdaliste for Fjell, Sund og Øygarden i den nye kommunen.

Kjell Rune Garlid er ein av fire representantar for Sotra Lista i kommunestyret i Fjell. Utviklinga på Ågotnes ligg han sterkt på hjarta.

Tjeldstø, Telavåg og Skålvik. Bygdene i det som i dag utgjer Fjell, Sund og Øygarden vil ha eigne interesser å ivareta i ein ny storkommune der dei nasjonale partia jobbar for ei heftig sentralisering på Straume, hevdar Kjell Rune Garlid til nettavisa Tunnelsyn.

Maktfaktor
Garlid har i fleire valperiodar representert Sotra Lista i kommunestyret i Fjell. Vallista har fire representantar i kommunestyret i denne perioden, og utgjer dermed ein betydeleg politisk maktfaktor.

Må favna alle
– Skal ei bygdeliste ha nokon funksjon i den nye kommunen, må ho omfatta alle delane av kommunen, ikkje berre grendene i det som i dag utgjer Fjell kommune, seier Garlid.

– Det er behov for ei felles, upolitisk liste som kan ivareta interessene til alle grendene i den nye kommunen ovanfor sentraliseringa på Straume, seier Garlid.

Intern diskusjon
Saka har ikkje vore tema for nokon formell diskusjon internt i Sotra Lista. Garlid har vil no ta temaet opp med dei øvrige medlemmane.

Kva tenkjer dei i Øygarden?
Det finst i dag to bygdelister innanfor grensene til den nye kommunen.

I Øygarden er TVØ største partiet med seks representantar og ordføraren. Kva dei tenkjer om det politiske livet etter kommunesamanslåinga i 2020, er ikkje kjent.

 

 

 

 

Sotra Lista såg dagens lys i 1989.

 

 

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s