Lettlest og underhaldande

Journalist og ”strilaforskar” Ivar Fjeld har skrive bok om leitinga etter vikingane sitt samkvem med Irland over Nordsjøen.

I ”Spor i blod – fanga av vikingar i Irland” tek Ivar Fjeld utgangspunkt i sitt eige arbeid for å finna spora etter vikingane i Irland og etter irane på Vestlandskysten. Kan hende freista fredelege keltiske munkar å kristna vestlendingane fleire hundreår før vikingane drog på røvartokt til Irland, er Fjeld sin hypotese.

Les: Forskar på strilen sitt opphav

Fjeld lanserer sin eigen versjon av ein teori som er i tida, og som andre historikarar har dokumentert i det minste delar av.

Boka er skriven som ein roman, noko som lettar historieforteljinga for journalisten. Samstundes vert det vanskeleg for genuint historisk interesserte å skjelna mellom fiksjon og fakta.

Forteljinga hoppar fram og tilbake i tid, mellom notid, Irland på 800-talet og Sotra på 1960-talet.

Segna om dei irske prinsessene som rak i land på Kinn og på Selje utgjer ein av fleire trådar i forteljinga. Ei forteljing som elles er komponert av ein dose DNA-analyser og ein passe dose romantikk, ispedd ørlite dramatikk.

Personskildringa er Fjeld sitt svake punkt. Personane framstår diverre som heller klisjeaktige, jamfør den fordrukne ex-journlisten i Vestnytt, den kyske pinseven-venninna hans, også skurken då, som sjølvsagt er frimurar.

”Spor i blod” er uansett lettlesen og underhaldande. Ein fin introduksjon til vidare lesnad om eit fengjande tema.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s