Utslepp ved badeplassen i Gjeitevikja – her kokar og sydar det

30 meter frå dei badande i Gjeitevikja friluftsområde kokte sjøen av eit utslepp frå Straume Næringspark i går ettermiddag.
(Saka er oppdatert)

30 meter frå dei badande. Det kraftige utsleppet var synleg frå lang avstand.

Eit utslepp av ein eller annan sort fekk sjøen like utforbi Gjeitevikja frilufstområde til å koka og syda i går ettermiddag.

Store bobler braut vassflata i raskt tempo, berre kring 30 meter frå dei badande som nytte den fine seinsommardagen på badeplassen.

Kjent problem
I Bergen og omland Friluftsråd er dei kjende med problemet:
-Dette skjer kvar dag medan Sundolitt-fabrikken er i produksjon, seier dagleg leiar Åge Landro i BoF til nettavisa Tunnelsyn.

– Utslepp så nær ein badeplass er heilt uakseptabelt, sjølv om det er heilt ufarleg. BoF har store planar for vidareutviklinga av Gjeitevikja, og vi har bedt dei i i det minste flytta utsleppet lenger vekk frå badeplassen, seier Landro.

Trass i at BoF har hatt det Landro karakterisere som ein god dialog med Sundolitt, har det ikkje skjedd noko konkret for å etterkoma ønskjet frå friluftsrådet.

Meldt til fylkesmannen
BoF har fleire gongar klaga på utsleppa, som er meldt til fylkesmannen i Hordaland. Fylkesmannen hadde tilsyn der i fjor haust og tok prøvar.

Hanna Gjesdal, avdelingsleiar for miljø, geodata og oppmåling i Fjell kommune viser til at det er fleire aktørar i området. Ho ønskjer ikkje uttala seg utan meir informasjon, viser berre til Fylkesmannen.

Isoporperler i strandsona
Ein periode var det også eit stort utslepp av isoporperler til sjø.  BoF måtte i vår rydda strandsona for store mengder små isoporperler, ei nær håplaus oppgåve, ifølgje Landro.

Utsleppet i går var synleg frå lang avstand. Såvidt det var råd å sjå, førte det ikkje til misfarging av sjøen. Det var ikkje merkbar lukt i området.

 

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s