Stor byggjevareundersøking – mykje å spara

Går du med byggjeplanar? Det kan vera mykje å spara på å be fleire lokale leverandørar om pris.
(Saka er oppdatert).

Stor variasjon i prisane på byggjevarer på Sotra og i Øygarden. Skilnaden på billigaste og dyraste tilbod var på 28 prosent. (Illustrasjonsfoto).

Konkurransen mellom leverandørane av byggjevarer i Fjell, Sund og Øygarden hardnar til. Det kan kjøparane tena stort på, viser den store byggevareundersøkinga nettavisa Tunnelsyn har utført.

Spesifisert liste
Nettavisa Tunnelsyn bad sju lokale leverandørar på Sotra og i Øygarden om tilbod på ei liste med spesifiserte materialar til eit tilbygg på 49 kvadratmeter. Vi fekk tilbod frå seks av dei før publisering. Samtlege har, etter litt justering, levert tilbod på dei mengdene og dimensjonane vi bad om, men frå ulike produsentar.

Byggtorget på Straume leverte tilbodet etter at saka vart publisert. Dei har difor hatt anledning til å justera tilbodet samanlikna med dei øvrige. Det viktigaste er likevel at kundane no veit kva prisar dei kan forventa å få hos denne leverandøren.

Mykje å spara
Dei innkomne tilboda viser at det kan vera mykja å spara på å orientera seg i marknaden og be fleire leverandørar om pris. Rimelegaste tilbodet var på 110.756 kroner medrekna meirverdiavgift. Forskjellen mellom rimelegaste og dyraste tilbodet var på heile 31.459 kroner, eller 28 prosent.

Sotra Trelast på Ågotnes skil seg markant ut med eit tilbod som totalt sett var vesentleg rimelegare enn dei øvrige. Mellom dei fem andre tilbydarane var forskjellen mellom rimelegaste og dyraste berre på 4.134 kroner, eller 3 prosent.

– Vi kjører for tida tilbod mellom anna på vindauge og isolasjon, forklarar dagleg leiar Kjell Rune Garlid det store prisgapet opp til neste leverandør.

På andre varer, andre dimensjonar eller til andre tider, kan trelasthandlaren på Ågotnes koma mindre fordelaktig ut.

Det at Sotra Trelast er ein uavhengig aktør, utanfor dei store kjedane, trur Garlid også kjem kundane til gode.

– Vi slepp betala kjedetillegg, forklarar han.

Splitta leveransen?
Det er verd å merka seg at ingen av byggjevare-leverandørane var konsekvent rimelegast eller konsekvent dyrast.

Sjølv om forskjellen mellom rimelegaste og dyraste leverandør kan verka stor, kan det vera enno eitpar tusenlappar å spara for dei som vurderer å splitta leveransen. Ver merksam på at ikkje alle leverandørane aksepterer det. Nokre har gjeve pris, føresett at du kjøper alt hos dei.

MVA
Alle tilbod til private skal vera inkludert meirverdiavgift. Seks av leverandørane har sett opp prisar utan mva, og så lagt avgifta til på sluttsummen. Det gjer det vanskeleg å samanlikna tilbodet frå COOP Obs vare for vare.

Sotra Bruk Bygger’n Straume Coop Obs Bygg (inkl. MVA) Torsbygg Byggtorget Ågotnes Montér Rong Sotra Trelast Byggtorget Straume
250m 36×198 7125 6580 9750 7966,8 6160 7315,65 6675
140m 23×48 656,88 663,6 693 793,63 784 657,72 658,56
20 stk asfaltplater 2697,48 2260,17 3100 2079,07 2487,24 2342,4 2493,12
60m2 10×148 df. Grunnet kledning 7617,46 7756,2 10140,9 7323,2 7962,24 6615,84 6004,15
65 stk gips std 1,2×2,4 innv 5616 4663,61 4485 5148 5823,79 4628 5366,4
240m 30×48 1625,4 1428 1656 1641,6 1612,8 1428,19 1464,96
17 stk I-bjelke SJ45x350 á 9 m lengde 16304,7 17595 20298 12778,32 16524 11600 13754,7
isolasjon 20cm A35 110m2 12603,11 9438,48 12507 13064,4 11534,29 9486,72 11993,28
isolasjon 15cm A35 60m2 5302,78 4378,8 5083 5330,62 4735,5 3875,52 4917,04
isolasjon 10cm A35 35m2 1983,87 1857,88 2093 2186,87 1943,54 1602,72 1967,52
75 36×98 1155,94 1014 1387,5 1204,92 1176 1127,52 985,5
6 stk vindu U=0,8 str: 5x12TS STD 18751,85 16368,78 25344 24487,82 16527 14904 16527
3 stk vindu U=0,8 str: 14×12 FK STD 9371,03 10310,13 11046 9378,14 9945 6696 8950,5
27 stk X-finer 18 mm tg-2 9959,16 11395,92 14823 10959,99 7040,79 7763,04 11264,67
70 m2 3gr ettlags takpapp 8838,7 13003,21 13890 6664 14274,4 7057,1 11030,8
70m2 underlagspapp 1723,8 3450,72 4875 1428 2446,08 1504,8 6195,99
Frakt, miljøavgift og emballasje 216 1608 216 216
Sum 111.549,16 113.772,5 141.171,4 112.651,38 110.976,67 88.605,22 110.465,19
25%MVA 27.887,29 28.443,13 28.162,85 27.744,17 22.151,31 27.616,30
Totalt 139.436,45 142.215,63 141.171,4 140.814,25 138.720,84 110.756,53 138.081,49
Montér Rong Sotra Trelast
Advertisements

2 Comments

  1. Bygger`n Straume har fått bekreftet at det er tilbudt forskjellige merker/kvalitet på tak produkter og x finer, slik at da er ikke det prismessige sammenligningsgrunnlaget helt reelt å bruke. Det er betydelige kvalitetsforskjeller på denne type produkter og vi har nok her tilbudt et kvalitetsprodukt/merke med svært god garanti. Vi har også rimeligere alternativ som det nødvendigvis ikke blir lønnsomt for våre kunder å bruke på lang sikt. Dette hadde vi fått avdekket i samtale med kunden ved et reelt kjøp.

    Videre så er det ikke spesielt overaskende at prisene ellers er svært like, det er sterk konkurranse i dette markedet og marginene er generelt lave.

    Eddie Bøe
    Bygger`n Straume

    Likar

    1. Redaksjonen bekreftar at deltakarane i undersøkinga har tilbode takprodukt og x-finer frå ulike produsentar/merkje. Vi har ikkje grunnlag for å uttala oss om kvalitet, levetid eller garanti.

      Likar

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s