Stengde ned pengemaskiner i Nordsjøen etter fregatthavari

Sture- og Kollsnesterminalane er no starta opp att etter produksjonsstansen som vart innført etter havariet av fregatten KNM Helge Ingstad.

Stureterminalen, saman med søsteranlegget på Kollsnes, tek dagleg mot olje, gass og kondensat til ein verdi av fleira 100 millionar kroner frå nokre av dei største felta i Nordsjøen. I bakgrunnen eit tankskip som lastar olje. (Foto: Statoil/Helge Hansen.)

(Saka er oppdatert.)

Av omsyn til tryggleiken valde Equinor i føremiddag å føreta ei kontrollert nedstenging av Stureterminalen som ein konsekvens av fregatten KNM Helge Ingstad sitt havari.

Les: Fregatt med sterk slagside etter kollisjon med tankskip ved Stureterminalen.

Nedstenginga av Sture får konsekvensar også for Kollsnesanlegget.

Gjenoppstart
Torsdag ettermiddag vert prosessanlegga på Sture g Kollsnes starta opp att etter nedstengninga, melder Equinor.

Det vil ta noko tid før gasstransporten til Europa er tilbake på full kapasitet, ifølgje operatørselskapet Gassco.

Landanlegga i Øygarden er to av dei største mottaksanlegga for olje, gass og kondensat frå felta i Nordsjøen. Terminalane tek dagleg mot olje, gass og kondensat til ein verdi av fleire 100 millionar kroner.

Les: Vurderte å fjernstyra Martin Linge frå Kollsnes

Nedstegninga av landterminalane i Øygarden får konsekvensar også for dei olje- og gassfelta ute i Nordsjøen som sender produsert olje, gass og kondensat til terminalane i Øygarden.

Fleire av dei største oljefelta i Nordsjøen er no stengt ned, ifølgje DN.no.

Det gjeld mellom anna Oseberg, Troll, Grane, Ivar Aasen og Edvard Grieg.

 

Advertisements

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google+ photo

Du kommenterer no med Google+-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.