Oppfordrar til kulturturisme

Strilane har eit langt større potensiale for kulturturisme enn kva de har klart å få fram, hevdar ei begeistra kultur- og likestillingsminister Trine Skei Grande (V).

Kultur- og likestillingsminister Trine Skei Grande (V) fall for strilane si gründerånd.

-Over alt har eg blitt møtt av folk som ønskjer å fortelja om alt dei har fått til, oppsummerte kultur- og likestillingsminister Trine Skei Grande (V) inntrykka etter ein travel dag på øyane vestom Bergen.

Les: Kulturministeren imponert over Sotra Arena

-Strilane har ei gründerånd i folkesjela som eg likar veldig godt. Ofte når eg kjem ein stad, får eg ei lang liste over kva staten bør bidra med. Her får eg like ofte vita kva staten ikkje bør blanda seg oppi, smiler Skei Grande.

Omvisningar på Fjell Festning og Nordsjøfartsmuseet i Televåg i går gav kultur- og likestillingsminister Trine Skei Grande innblikk i ein del av Museum Vest ho ikkje kjente frå tidlegare.

Potensiale for kulturturisme
-Den lokale historien har eit langt større potensiale for kulturturisme enn det de har klart å få fram, tenkjer kulturministeren.

«Gitaren» ved Stranda skule og samarbeidet mellom Sund folkebibliotek og turlaget om kystpasset vekte og merksemd på utsendingen frå Regjeringa. Eit fint døme på tiltak som kan få stor effekt på folkehelsa lokalt for små summar, seier Skei Grande til nettavisa Tunnelsyn.no.

Les: I år kan du lesa Kystpasset på nett

Som kulturminister ser ho behovet for å styrka ein kultursektor som i dag er mykje prega av halve stillingar. Kommunesamanslåinga gjev grunnlag for å etablera større einingar. Noko som igjen vil bidra til å styrka engasjementet ovanfor frivillig sektor.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.