Henta heim fårikålen

Sauasankinga i Kvitingen er årets storhending for mange saueeigarar på Sotra og Askøy.

Kring 1.550 sauer vart sanka inn i Kvitingen denne helga. Her er nokre av dei, ferdig sortert. Foto: Andreas Vorland.

Ytre Midthordland Beitelag sende i vår 1.750 søyer med lam på «ferie» til Kvitingen i Samnanger. Langt dei fleste av sauene, kring 1.400, har adresse hos småbrukarar på Sotra. I det 30.000 mål store fjellområdet skulle sauene få fråtsa i grønt, friskt gras og eta seg feite.

Sankarlaget tek ein pust i bakken. Foto: Kato Hilleren.
Foto: Kato Hilleren.
Foto: Kato Hilleren.

I helga mobiliserte saueeigarane for å henta heim fårikålen. Å vera med på sauasankinga er årets storhending for mange, og mange ønskjer å delta på denne krevjande fjellturen. Eit 40-tals personar klart i løpet av denne første sankehelga å henta heim kring 1.550 av dei, ifølgje Kato Hilleren som er leiar for beitelaget.

Frå Sotra- og Askøysauene sitt «ferieparadis» i Kvitingen. Eit krevjande terreng for sankarane. Foto: Andreas Vorland.

For 240 lam venta ein brutal slutt på «ferien». Dei vart sendt rett til slakteriet.

Talet på sauer i Kvitingen har gått noko ned dei siste åra. I år sende eit 20 saueeigarar sende dyra sine til det attraktive fjellbeitet. Storleiken på flokkane dette året varierte, frå seks til 400 dyr, ifølgje Hilleren.

Andre lokale beitelag har sauene sine i utmarka heime på Sotra, eller dei sender dyra sine til Masfjordfjella.

 

Advertisements

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.