Vil spara på straumen i veglysa

Utskifting av eksisterande lysarmatur langs fylkesvegane i Hordaland med LED-armatur vil kunna kutta fylkeskommunen si straumrekning med over 7,2 millionar kroner årleg.

2. generasjon smarte LED-baserte veglys vil vera utstyrt med sensorar som regulerer lysstyrken avhengig av kor mørkt det er, og om noko rører seg i området. Arkivbilete.

 

Kring 16.200 lysarmaturar sørgjer for å lysa opp og gjera fylkesvegane i Hordaland tryggare å ferdast langs i mørke kveldar og netter.

Ved å halda følgje med det teknologiske generasjonsskiftet på veglysfronten vil Hordaland fylkeskommune kunna spara pengar både til straum og vedlikehald.

Ved å skifta ut samtlege av dagens armaturar med LED, vil det vera mogeleg å redusera straumrekninga med nærare 7,3 millionar kroner årleg, har fylkesrådmannen rekna ut, i følgje eit notat til fylkestinget denne veka.

Men gevinsten kjem langt frå gratis. Ein ny LED-armatur kostar 8.000 kroner. Å skifta ut samtlege av dagens armaturar med LED vil krevja ei investering på 129,6 millionar kroner.

Om fylkeskommunen i staden skal satsa på innkjøp av 2. generasjons smarte LED-armaturar med styringsautomatikk som skrur av straumen i dagslys, eller når nokon bevegar seg i eit område, vert innsparinga større, men det vert investeringsbehovet også.

Les: Infrastruktur for førarlause bilar

Redusert behov for vedlikehald, med lengre intervall mellom kvart vedlikehald, vil vera ein annan fordel med LED, ifølgje fylkesrådmannen. Han ser for seg at det kan vera realistisk å gjennomføra ei fullstendig utskifting over ti år.

Ei slik utskifting må avtalast og samordnast med dei lokale kraftlaga.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.