Krisemelding frå brannvesenet

Nye oppgåver kombinert med gammalt materiell fekk leiinga for Øygarden brann og redning til å varsla «krise» då formannskapet i Nye Øygarden samlast til sitt første møte.

Brannsjef Bjørn Olav Paulsen treng politisk velsigning av seksårsplanen for oppgradering av det tekniske utstyret til Øygarden brann og redning.

Brannsjef Bjørn Olav Paulsen og styreleiar Per Rune Eikeseth i Øygarden brann og redning var svært så samstemte i at behovet for utskiftningar av gammalt, men kostbart utstyr er prekært.

-Beredskapen har stått stille i 15 år, åtvara styreleiar Eikeseth.

Største brannbilen nærmar seg 20 år, og det er ikkje lenger råd å få fatt i delar. Når det brenn vert løysinga gjerne å ringa Bergen og leiga utstyr derifrå, fortalte Paulsen.

Seksårsplan
Brenn det på Litle Sotra, er det uansett brannvesenet i Bergen som rykkjer ut.

Oppgradering av kostbart teknisk utstyr krev stor grad av føreseibarhet. Saman har brannsjefen og styreleiaren i det kommunale føretaket utarbeida ein seksårsplan for oppgardering og utskiftning.

No oppfordrar dei politikarane om å ta investeringsplanen med i budsjettarbeidet for 2020.

Nye oppgåver
Dei 70 tilsette i det lokale brannvesenet er med på kring 300 utrykningar i året. Berre kvar fjerde utrykning dreier seg om brann. Stadig oftare må brannvesenet påta seg helserelaterte oppdrag, eller rykka ut i samband med trafikkulukker.

Særleg er det tilfelle når noko skjer sør i Sund og nord i Øygarden. Med brannstasjonar i Skogsskiftet, på Ågotnes og Dalsneset er brannvesenet nærare enn legevakta på Straume når einkvan får hjartestans eller eldre dett på badegolvet.

-Det vert ofte til at dei som er nærast rykkjer ut, konstaterer Paulsen.

-Til no har vi hatt brannfolk med helsekompetanse. No treng vi i stadig større grad helsepersonell med brannkompetanse, seier brannsjefen.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.