Kan ikkje lova CO2- fangst og -lagring

I oljesmurte Øygarden vekte statsminister Erna Solberg sitt val av klima som gjennomgangstema i nyttårstalen blanda reaksjonar.

Drift og vedlikehald skal ein driva på med i mange tiår framover, lovar statsminister Erna Solberg (H).

Nettavisa Tunnelsyn.no nytta høvet då statsministeren vitja Sotra Arena laurdag til å ta opp det tilsynelatande konfliktfylte temaet.

Les: – I dag er vi alle strilar

-Får vi eit CO2-lagringsanlegg?

-Den avgjerda vil Regjeringa ta når utredninga er ferdig i haust, svara Solberg.

-Er det mogeleg å gjennomføra ei norsk satsing på klima utan CO2-fangst og -lagring?

– Ja. CO2- fangst og -lagring er først og fremst tiltak for å løfta klimautfordringane i andre delar av verda og driva næringsutvikling. Av Norge sine utsleppspunkt er det berre to som kan bruka CCS (Carbon Capture and Storage, red. merk.). Eigentleg er dette næringsutvikling for resten av verda. Eit prosjekt for å få kostnadane ned. Masse spanande næringsutvikling er knytt til det. Men førebels må vi skaffa eit hol vi kan putta CO2-en nedi. Her måtte Regjeringa gje ei ekstraløyving på 500 millionar fordi dei ikkje har funne rett stad å for langtidslagring.

-Kva skal vi i Øygarden leva av når de trappar ned olja samtidig som klima er det nye satsingsområdet?

-Veldig mykje av det de gjer her er knytt til drift og vedlikehald. Drift og vedlikehald har mange tiår framover. Største utfordringa i starten er utbyggingsprosjekta, men dei ligg jo mykje på dei store verfta, og så ligg det mykje i Rogland. For drift og vedlikehald er det ein mykje lengre tidshorisont på omstillinga. Drift og vedlikehald skal jo fortsetja. Men det vert mange småutbyggingar framover, avslutta statsminister Erna Solberg kortversjonen av Regjeringa sine eksterne rammebetingelsar for norsk olje- og gassverksemd i åra framover.

1 Comment

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.