Vi set kvardagen på vent

Stengde skular og barnehagar, avlyste arrangement, halvfulle bussar og nesten ingen kø.

Huskar du: Slike folkesamlingar har Regjeringa nedlagt strengt forbod mot.

Redsle for spreiinga av koronaviruset har fått Regjeringa til å innføra dei strengaste restriksjonane sidan krigen. Offentlege instansar set krisestab. I Øygarden har påboda om å stengja skular, barnehagar og publikumsmottak spreidd seg, nærast som virus. Bustadmessa er avlyst. Treningssentre, tannklinikkar, ja sjølv gjenbruksstasjonen stengjer dørene inntil vidare. 

Folk som kan vera smitta vert isolerte i karantene. Har du vore ute og reist? Då er karantene neste stopp. Cruiseskip får ikkje leggja til kai. Fly vert sett på bakken.

Det er forbod mot større folkesamlingar. Hald god avstand til alle dei du møter.

Under krigen var parolen at hjula skulle haldast i gong. Under korona er det berre kritiske samfunnsfunksjonar som skal oppretthaldast. Truleg har vi fleire restriksjonar i vente.

Folk flest verkar vera lojale mot dei offentlege pålegga. Stadig fleire held seg heime. Alt i dag var det uvanleg god plass på bussen i myldretimane. Den illgjetne køen over Sotrabrua hadde tørka inn til nærast ingenting. 

Øygardsstrilen hamstrar mat, vatn og toalettpapir. Vi er i ferd med å setja kvardagen på vent.

 

One thought on “Vi set kvardagen på vent

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

This site uses Akismet to reduce spam. Learn how your comment data is processed.